पत्रकारको सक्रियतामा बल्कवा खुदिमु क्षेत्र घोषणा

सिराहा । सधैंभरी कलम चलाएर समाज रुपान्तरणमा योगदानमा दिने पत्रकारहरुले सिरहामा दिनरात खटेरै गोलबजार नगरपालिकाको एउटा वडा खुल्ला दिसामुक्त बनाएका छन् ।

सिरहामा गठित सरसफाई तथा स्वच्छताका लागि पत्रकार समन्वय समिति (जेवाससिसी) ले १ सय १५ दिन खटेर गोलबजार नगरपालिकाको वडा ११ रहेको आशोपुर बल्कवालाई खुल्ला दिसामुक्त क्षेत्र बनाएका छन् । ८ सय ४३ घरधुरीमध्ये शौचालय निर्माण हुन नसकेका २ सय २५ घरधुरीमा आफैंले खटेर शौचालय निर्माण गर्न लगाएपछि आशोपुर बल्कवाले बुधबार खुल्ला दिसामुक्त वडाको रुपमा मान्यता पाएको हो ।

सन २०१६ सम्म खुल्ला दिसामुक्त क्षेत्र बनाउनुपर्ने उक्त वडामा कसैगरी पनि निर्धारित समयमा उक्त अभियानले पुरा हुनसक्ने अवस्था देखिएको थिएन । सोको कारण खोज्न आशोपुर बल्कवा पुगेका जेवाससिसीको टोलीले त्यहाँ बसोबास गर्ने दलित र विपन्न समुदायकै वस्तीमा शौचालय निर्माण हुन नसकेको देखेपछि आफैंले खटेर शौचालय निर्माण गर्न सघाऊ पु¥याउने महसुस ग¥यो ।
त्यसपछि त के, पालैपालो जिल्लाका अधिकांश सञ्चारकर्मी आशोपुर बल्कवा पुग्न थाले । खाल्टो नखनेका घरधुरीलाई खाल्टो खन्न लगाए, रिड्ढ नगाडेको ठाउँमा रिड्ढ गाड्न लगाए तथा जानेर बुझ पचाउने समाजका केही ढीठहरुलाई हात जोडेरै शौचालय बनाउन लगाए ।
त्यस वडामा केही वर्ष अगाडि सुनौलो हजार दिनको कार्यक्रम मार्फत केही घरमा शौचालयको हदको लागि प्रयोग हुने रिड्ढ बाँडिएको रहेछ, जेवाससिसी सिरहाका संयोजक दिनेश्वर प्रसाद गुप्ताले भने, त्यसको रिसमा रिड्ढ नपाएका व्यक्तिहरुले शौचालय बनाउन मानेका रहेनछन् ।
हामीले विन्ती भाऊ चढायौ हात जोड्यौ त्यतिले मात्र नपुगेर कतिपय घरको कुनामा आफैंले कोदालोले खाल्टो पनि खन्यौ, उनका अनुसार, पछि त शौचालय बनाउन नमान्नेहरु आफैंले शौचालय बनाउन थाले ।
सञ्चारकर्मी साथीहरु नलागिदिएको भए शायद यो वडा खुल्ला दिसामुक्त हुँदैनथ्यो होला, आशोपुर बल्कवामा आयोजित घोषणासभामा बोल्दै सिरहाका स्थानीय विकास अधिकारी सुरेश राउतले बताए । खुल्ला दिसामुक्त अभियानमा सिरहाका सञ्चारकर्मीहरुको योगदान अतुलनीय रहेको उनले सुनाए ।