समाजका सामन्तीहरु राजाको रुपमा रहेको क्रान्तिकारकिो आरोप

सिरहा, १२ माघ । अखिल नेपाल राष्ट्रिय स्वतन्त्र विद्यार्थी यूनियन (क्रान्तिकारी) का बरिष्ठ उपाध्यक्ष अनिला शार्माले अहिले पनि समाजका सामन्तीहरु राजाको रुपमा रहेको बताएका छन् । 
अखिल क्रान्तिकारी सिरहा क्याम्पसद्धारा मंगलबार सिरहामा आयोजित स्ववियू सम्बन्धी बहस तथा छलफल कार्यक्रममा बोल्दै शर्माले गरिब जनताका चेलीबेटीलाई समान्तीलाई बुझाउने अवस्थाको अन्त्य माओवादी पार्टीको लडाईले सम्भव भएको र सिरहा समाजमा अहिले पनि सुरेश चन्द्र दास जस्ता सामन्तीहरु गाउँका राजाका रुपमा रहेको बताइएका छन् । जनतालाई सचेत गराइएका कारण रामवृक्ष यादव जस्ता नेतालाई कंग्रेसी गुण्डाले मारेको आरोप लगाउदै शर्माले शैक्षिक क्षेत्र भित्रको विकृति र विसंगतिको अन्त्य अखिल क्रान्तिकारीको लडाई बिना सम्भव नरहेकोले विकृति र विसंगति विरुद्ध लाग्न अखिल क्रान्तिकारी सम्बद्ध विद्यार्थी नेतालाई आग्रह गरेका छन् ।
अखिल क्रान्तिकारीका सचिवालय सदस्य अरबिन्द यादवको अध्यक्षतामा भएको सो कार्यक्रममा क्रान्तिकारीका सन्तोष बिष्ट, भोला यादव लगायतकाले स्ववियू चुनावको आवश्यकता र महत्वबारे आफ्ना धारणा राखेका थिए ।