सिरहा,माघ,१४ गते । दुर्गापुरबासीले विहिवार जिल्ला विकास समिति सिरहामा गोलबजार नगरपालिका समायोजनको माग गर्दै डेलिकेशन दिएका छन् । सैकडौंको संख्यामा आएका दुर्गापुरका स्थानीयहरु ¥याली प्रदर्शन गर्दै डेलिकेशन दिएको हो । धनगढीमाई नगरपालिकामा हैन, गोलबाजर नपामा दुर्गापुर लगायतका नारा लगाउदै उनीहरुले प्रशर्दन गर्दै स्थानीय विकास अधिकारी समक्ष स्मरण पत्र पेश गरेका हुन् । राजनीतिक प्रभावमा दुर्गापुरलाई जनताको हित विपरित सहमति बिना नगरपालिकामा समायोजन गर्न नपाउने उनीहरुले जोडदार माग गरेका थिए ।
प्रशासनिक कामकाजको लागि दुर्गापुरका सेवाग्राहीलाई गोलबजार नगरपालिका सहज रहेको नेकपा (माओवादी) केन्द्रका विजय कुमार सिंहले बताए । दुर्गापुरबाट धगढीमाई नगरपालिकाको दुरी लामो भएको उनले भने ।
‘बृद्ध बृद्धालाई सेवा पाउन असहज हुने,’दुर्गापुरकी सिता कामति भन्छिन्,‘धनगढीमाई नपामा दुर्गापुर कुनै पनि हालतमा राख्न पाइदैन् ।’ नजिकको नगरपालिकामा नराखेर पकड तथा पहँुच भएका व्यक्तिहरुले हामीमाथि अन्याय गरेको उनको ठहर छ ।
धनगढीमाई नपामा दुर्गापुरलाई नराख्न विगतमा सचेत गराएपनि कुनै सुनुवाई नभएको संघीय समाजवादी फोरम नेपालका हरिनारायण कामैतले गुनासो गरे । उनले समान्य दबावलाई बेवास्ता गर्दै आएपछि जनप्रदर्शन सहित डेलिकेशन आउनु परेको भने ।
मागलाई अझै बेवास्ता गरे आउने दिनमा कडा आन्दोलन गरिने ज्ञानेन्द्र महतोले चेतावनी दिए । उनले धनगढिमाई नपा जाने बाटोमा नदि पर्ने भएकोले वर्षातको मौसममा जनतालाई सेवा लिन समस्या हुने हुनाले चुप लागेर बस्न नमिल्ने बताए ।
जनस्तरबाट आएका कुरालाई जस्ताको त्यस्तै विभाग तथा सम्बन्धित निकाय समक्ष राख्ने स्थानीय विकास अधिकारी सुरेश राउतले प्रतिबद्धता जनाए । उनले आफुबाट हुने सबैखाले सहयोग गर्ने बताए । डेलिकेशनका सहभागीहरुलाई स्थानीय विकास अधिकारी राउतले भने,‘तपाईहरुलाई आउने पर्थेन् । मलाई बोलाउदा गाउँमै आउँथे ।’ दुर्गापुर गाविसलाई धनगढिमाई नपामा राख्ने निर्णय विगतमै भएको छ ।
कोई टिप्पणी नहीं:
एक टिप्पणी भेजें