सिरहा,माघ १४ गते । श्रोत व्यक्ति बैधनाथ यादव र जिशिका धनुषामा कार्यरत विद्यालय निरिक्षक शसि यादवबीच विहिवार जिल्ला शिक्षा कार्यालय सिरहाको कार्यकक्षमै गालीगलौजसँगै हात हालाहाल भएको छ । सिरहा लक्ष्मीनिया–१ का शसि व्यक्तिगत कामको शिलसिलामा बैधनाथसँग कुरा गर्दा गर्दै हात हालाहाल गरेको हो । ‘मलाई पिट्यो, पिट्यो भन्दै शसिलाई बैधनाथले लखेट्दै गरेको देखेँ,’ नाम नछाप्ने शर्तमा प्रत्यक्षदर्शीले भने,‘लखेट्ने क्रममा बैधनाथले हान्दा शसिको टाउको फुट्यो ।’
प्राथमिक उपचार पश्चात बोलाएको बेला उपस्थित हुने शर्तमा दुबैजनालाई जिल्ला प्रहरी कार्यालय सिरहाले परिवारको जिम्मा लगाएका छन् ।
समायोजनको लागि विवाद
जिल्ला शिक्षा कार्यालय धनुषामा कार्यरत लक्ष्मीनिया–१ का शसिको आफन्त सहजकर्ता भएर काम गर्दै आएको सामुदायमा आधारित बालविकास विद्यालयमा समायोजन गर्ने विषयमा विवाद भएको जिल्ला शिक्षा कार्यालय श्रोतले बताएको छ ।
बैधनाथलाई शसिले ‘मेरो आफन्तको काम छिटो नगरेको किन ?’ भन्दै कार्यालयभित्र प्रवेश उनकै कार्यकक्षमा गएको कार्यालय श्रोतको दाबी छ । शसि प्रवेश गरेको एकछिनकै कुराकानी पछि आवाज बाहिर आएको प्रत्यक्षदर्शीहरुले बताएका छन् ।
जघन्य अपराध
‘यो जघन्य अपराध हो,’सहायक जिल्ला शिक्षा अधिकारी डिल्लीराम अधिकारीले भने,‘घटनाबारे बुझ्दैछु दोषीमाथि कारवाही हुनुपर्छ ।’ स्थानीय प्रशासनसँग समन्वय गरेर कारवाही प्रक्रियामा कार्यालयले सहयोग गर्ने उनले बताए ।
कारवाहीको लागि स्थानीय प्रशासन आश्वासन समेत दिएको उनले भने । कुनै पनि कुरा सहज रुपमा राख्नुको साटो कुटपिटमै उत्रिनु मानव अधिकार विरुद्धको व्यवहार भएकोले दोषीमाथि हदैसम्मको कारवाहीको उनले माग गरे ।
दुबै जना कर्मचारी नै भएको हुनाले उपचार पछि जमानतमा छाडिएको प्रहरी प्रमुख एसपी शेखर कोइरालाले बताए । ‘कर्मचारी भएको नाताले शिक्षा ऐन अन्तर्गत जिशिअले पनि कारवाही गर्न सक्छ,’उनले भने,‘हामी अहिले उपचार गराएर छाडेका छौं । लिखित आए कारवाही प्रक्रिया पनि अगाडि बढ्ने छन् ।’ पिडक र पिडित दुबै सम्पर्कमा आउन चाहेन् ।
कोई टिप्पणी नहीं:
एक टिप्पणी भेजें