माइकल ज्याक्सनको सम्पत्ति लिलाम हुने

एजेन्सी – दिवंगत पप स्टार माइकल ज्याक्सनको सम्पत्ति लिलाम हुने भएको छ । ज्याक्सनका साथै उनको परिवारको व्यक्तिगत सम्पत्ति यो महिना लिलामी गर्न लागिएको हो । यसरी लिलामी गर्न लागिएको सम्पत्तिमा माइकलका कट्टु,मोजा,फोटोलगायतका सामान छन् । ज्याक्सनको स्मृतिमा रहेका घरपरिवारका सम्पत्तिको पनि लिलाम हुने भएको छ । अन्य स्थानका सामान साधारण भए पनि ज्याक्सनका घरका सामान इतिहास भएकाले लिलाम गर्न लागिएको बताइएको छ । ‘अन्य ठाउँका यस्ता सामान साधारण हुन तर ज्याक्सन घरपरिवारको सामान इतिहास बनेको छ,’लिलाम घरका पिटर सिगेलले भने । ज्याक्सनको सामानको लिलाम विक्री यही सेप्टेम्बर १९मा हुनेछ । -