लगातार दोस्रो हारसँगै नेपालको यात्रा समाप्त

Siraha city, काठमाडौं । दक्षिण कोरियाको इन्चोनमा जारी १७ एसियाली खेलकुद अन्र्तगत फुटबलमा भाग लिएको नेपाल समूह चरणबाट नै बाहिरिएको छ ।

बुधबार भएको खेलमा कुवेतसँग ५–० हार बेहोरेपछि नेपालको यात्रा टुंगिएको हो । नेपालले अब आफ्नो अन्तिम खेलमा एसियाली फुटबल पावर हाउस जापानको सामना गर्ने छ ।

पहिलो हाफमा १ गोल खाएको नेपालले दोस्रो हाफमा लगातार चार गोल खाएको थियो । दोस्रो हाफमा निकै फितलो प्रदर्शन गरेको नेपालले एकपछि अर्को गल्ती गरेपछि लज्जास्पद हार बेहोरेको हो ।