जनकपुरधाम , माघ १० गते ।
धनुषाको सोहनी सिनुरजोडा गाउँबासी आन्दोलित भएका छन् । सिनुरजोडा गाविसलाई क्षिरेश्वरनाथ नगरपालिकामा गाभेको विरोधमा उनीहरुले जनकपुर ढलकेवर सडक खण्डमा आज दिउँसो एक घण्टा चक्काजाम गरेका छन् ।
सिनुरजोडालाई क्षिरेश्वरनाथ नगरपालिकाबाट हाटाउनु पर्ने माग गर्दै उनीहरुले आज दिउँसो १ बजेदेखि २ बजेसम्म जनकपुर ढल्केवर सडक खण्डको मैदा मिल नजिक चक्काजाम गरि विरोध प्रदर्शन गरेका छन् । सिनुरोजोडा गाविसलाई जनकपुर उपमहानगरपालिका अथवा गाउँपालिकामा राख्न स्थानीयबासिन्दाले माग गर्दै प्रदर्शन गरेको संघीय समाजवादी फोरमका स्थानीय नेतासमेत रहेका हरिनारायण यादवले जानकारी दिनुभयो । आफुहरुको माग पुरा नभए कडा आन्दोलन गर्ने सिनुरजोडा गाउँबासीले चेतावनी समेत दिएका छन् ।
एक घण्टा सडक अवरुद्ध हुँदा यातायातका साधन आवजत जावत प्रभावित भएको थियो ।
