कुटपिट अङभङ मुद्दाका फरार तीन जना पक्राउ

सिराहा, माघ ९ गते। अदालतबाट कैद तथा जरिवाना सजाय भएका फरार व्यक्तिहरु पक्राउ गर्ने सिलसिलामा ईलाका प्रहरी कार्यलय लहानले कुटपिट अङभङ मुद्दाका फरार तीन जनालाई आइतबार पक्राउ गरेको छ।पक्राउ पर्नेमा सिरहा सोनामती मझौरा गाविस ५ घर भई लहान नगरपालिका १८ बस्ने मल्हुन साह तेली, लहान १७ बस्ने शिवनारायण साह तेली र लहान १९ बस्ने रंगलाल साह तेली रहेका छन।पक्राउ परेका व्यक्तिहरु माथि सिराहा जिल्ला अदालतले २०५५ साल पुस १६ गते कुटपिट मुद्दामा जनही एक महिना कैद तथा सात सय अठ्ठासी रुपैया जरिवाना तोकेको थियो।फैसला लगतै फरार भएका तीनै जनालाई इलाका प्रहरी कार्यलाय लहानको टोलीले लहान बजारबाट पक्राउ गरेका हुन। उनीहरुलाई आइतबार नै जिल्ला अदालतमा उपस्थित गराई फैसला कार्यान्वयनकालागी सिरहा कारागार पठाइएको ईलाका प्रहरी कार्यलयका डिएसपी राज कुमार केसीले जानकारी दिनुभएको छ।