प्रेमीले धोका दिएको भन्दै सुसाइड नोट लेखेर आत्महत्या (A Girl Commit Suicide After betrayel on Love)

Photo credit: Sirahacity.blogspot.com
Dharan 31 jan, The young girl Preeti Mukhiya has been committed suicide at Dharan today. 26 years Preeti wrote suicide note with mentioning she got betrayal on her relationship. Though she has’t mentioned the name who betrayed her actually.

After her death her older sister informed the police that, Preeti has relationship with Sagar Khadka who is the primary school teacher at Dharan. And family is also well informed in this matter. But Deputy superintendent (DSP) Sanjay Shing Thapa said ” We don’t have any proof which justify this relationship and there is no law which punished the suicide commiter”.

Sagar Khadka who is in the circle of doubt said she was his just friend and even he said she has a affair with another boy who lives in Qatar. Before some months they met each other and proposed to marry but at that time the girl refused to marry recently and conflict begun from that moment. In this case her family is also informed. Even they used to telephone each other everyday. Family refused the ‘blame’ of Sagar they are unknown about that boy rather they blame on Sagar khadka.

बाछो जोगाउन खोज्दा परिवारका कोही रहेनन्

१७ माघ, काभ्रेपलान्चोक । काभ्रेपलान्चोक जिल्लाको पनौती १० सुन्थाल निवासी विनोद खत्री केसीको परिवारमा बिहीबार निकै खुसी छाएको थियो । घरमा पालिएको गाई व्याएपछि केसीसहित पत्नी भगीरथी र छोरा विपीन निकै खुसी भए । तर, उनीहरुको त्यो खुसी लामो समय टिक्नै नपाई वंश विनाश हुन पुग्यो ।

माघको ठन्डीबाट गाई र बाछी जोगाउन मकलमा बालिएको आगो सल्किएर भएको आगलागी राति केसीसहित पत्नी भगीरथी र छोरा विपीनको मृत्यु भयो । ‘गाई व्याएपछि बाछीलाई तातो बनाउन मकलमा आगो बालेको रहेछन्, त्यही मकलको आगो सल्किएर आगलागी हुँदा जलेर तिनैजनाको मृत्यु भयो,’ शुक्रबार बिहान घटस्थास्थल पुग्दा छिमेकीले भनेको राजधानीमा खबर छ ।
छिमेकी अष्टलाल श्रेष्ठका अनुसार मध्यराति आगो निभाएपछि सवैले विभत्स दृश्य देखे । बाबुले छोरालाई अँगालो मारेर बसेको अवस्थाका क्षतविक्षत शरीर एकातिर थिए भने केही पर श्रीमतीको जलेको शरीर फेला परेको थियो ।

‘घर नजिकै किरानापसल संचालन भएको घरवाट आवाज आएपछि पसल चोरी भएको होकी भनि झ्यालवाट चियाएँ । छिमेकीको घर आगोमा दनदनी बलेको देखेपछि सबैलाई बोलाएर आगो निभाउने काममा खटिए । जिल्ला प्रहरी कार्यालय तथा ईलाका प्रहरी कार्यालय बनेपा र प्रहरीचौकी पनौतीवाट खटिएका प्रहरीको सहयोगमा गाँउलेले आधा घण्टामा आगो निभाए,’ अस्टलालले भने,’आगो निभाएपछि देखेको विभत्स दृश्यले सबैको आँखा रसाए, नदेखिनुपर्ने दृश्य देखियो । आगोमा परिवारका सबै लडेको देखियो ।’
मध्यरातमा घर जल्दा दम्पती सहित एक बालकको मृत्यु भएपछि यतिबेला सुन्थान शोकमा डुबेको छ । अघिल्लो दिनसम्म आफैसँग शालीनदी जाने भन्दै पनौती बसपार्क आएर फर्केको साथी जलेको सुन्दा महिलाहरु घरवाट निस्कन सकेका छैनन् भने कसैको बोली समेत फुट्न सकेको छैन ।
गाईको स्याहारसुसार गरेपछि उनीहरु निन्द्रामा परेको समयमा भएकाले केही पनि थाहा नभएर मृत्यु भएको हुन सक्ने ईलाका प्रहरी कार्यालय काभ्रेले जानकारी दिएको छ । मृतक केसी काठमाण्डौं विश्वविद्यालयमा कार्यरत रहेका थिए भने उनकी श्रीमतीले घरायसी काम गर्दै आएकी थिईन् । मृतक बिपिन केसी शंखुमा अवस्थित नमोबुद्ध उमाविमा कक्षा २ मा अध्ययरत थिए । उनी मेधावी छात्र रहेको विद्यालयका संस्थापक पि्रन्सिपल सत्यनारायण श्रेष्ठले बताए ।
आगोलागेपछि अक्सिजनको कमीले उनीहरु अर्धचेत भएको र त्यसपछि आगोले सल्काएर मारेको हुन सक्ने स्थानीयको अनुमान रहेको छ । बिहिवार साली नदीमा जान भनि निस्केकी मृतक केसीले घरमा गाई ब्याउनेभन्दै फिर्ता भएको भएकी थिईन् ।

मधेश आन्दोलन पून्ह चर्कीयो , लहानमा तताउदै प्रहरी र प्रर्दशनकारी विच झरप जारी ,सि के लहानमा ( भिडियो सहित )

मधेश आन्दोलन पून्ह चर्कीयो , लहानमा तताउदै प्रहरी र प्रर्दशनकारी विच झरप जारी ,सि के लहानमा ( भिडियो सहित )

       
 श्रीकान्त झा । सिरहा । माघ ५

सिरहाको लहानमा प्रहरी र प्रर्दशनकारी विच झरप जारी रहेको छ ।

     वलिदानि दिवसको अवसरमा सिरहाको लहानमा रहेको पशुपति उ मा विको प्राङ्गनमा आज सिके राउतका सर्कथकहरु द्धारा खुल्ला स्थानमा भासन गर्न थाले पछि प्रहरीहरु विद्यालयवाट वाहिर निकालने कम्मा दुवै पक्ष विच व्यापक ढुङ्गा मुडा प्रहार गर्न थालेपछि प्रहरीले ४ राउण्ड आसु ग्यास प्रहार गरेको छ ।  प्रर्दशनकारीहरुले सडकमा टायर वालेर प्रर्दशनमा उत्रेका छन् । त्यस्तै लहान आएका सिके राउतलाई प्रहरीले नियन्त्रणमा लिएको छ ।

   प्रर्दशनकारीहरुले मधेश आन्दोलन पुनह र्चकिएको घोसना र्गदै प्रर्दशन गरेर लहान अन्धकारमा परेका छन् । त्यस्तै सिके राउत लहान रहेका कारण उसलाई नियन्त्रणमा लिने सकेत वुझिएको छ । थप विवरण आउने वाकी

आँखा अगाडी नै अचानक सय बढी चरा आएर मरेपछि

महोत्तरी जिल्लाको सदरमुकाम जलेश्वर नगरपालिका–७ मा आज बिहान अचानक १०० भन्दा बढी चरा मरेका छन् ।

जलेश्वर – ७ बजराही टोलमा अवस्थित राष्ट्रिय प्राथमिक विद्यालय वरिपरि ती चरा मरेको स्थानीय बासिन्दा रञ्जन मण्डलले बताउनुभयो ।

बिहीबार साँझसम्म पनि त्यस ठाउँ वरिपरि त्यस्तो केही देखिएको थिएन । तर आज बिहानैदेखि विद्यालय वरिपरि तराईमा पाइने बकुल्ला, मैना, भँगेरीलगायत चराचुरुङ्गी मरेको स्थानीयवासी मोहन ठाकुरले बताउनुभयो ।

चराहरु आज बिहानैदेखि त्यस ठाउँमा आएर अचानक मर्न थालेपछि स्थानीय बासिन्दा त्रसित भएका छन् ।

उनीहरुले आफ्ना गाईवस्तु, बाख्रा पनि चरिचरणका लागि खोल्न डराएका छन् । चरा के कति कारणले मरेको भन्नेबारे स्थानीयवासीलाई केही थाहा छैन ।

- See more at: http://www.onlinesiraha.com/2014/12/2334_12.html#sthash.fkgSErdT.dpuf

रामचन्द्रका छोरा, सम्धी र ज्वाइँलाई सरकारी नियुक्ति कांग्रेस र एमालेबीच भागबण्डा मिल्यो

रामचन्द्रका छोरा, सम्धी र ज्वाइँलाई सरकारी नियुक्ति
कांग्रेस र एमालेबीच भागबण्डा मिल्यो

सत्र पटकसम्म प्रयास गर्दा पनि प्रधानमन्त्री बन्न नपाएका कांग्रेस उपसभापति रामचन्द्र पौडेलले आफ्नो परिवारका तीनजनालाई राजनीतिक नियुक्ति दिलाउन सफल भएका छन् ।

कार्यवाहक सभापतिसमेत नपाएपछि प्रधानमन्त्री सुशील कोइरालासँग असन्तुष्ट बनेका पौडेलले प्रधानमन्त्री कोइरालाले सम्हालेकै मन्त्रालय अन्तर्गत छोरालाई जागिर खुवाउन सफल भएका हुन् । पौडेलका इन्जिनियर छोरालाई करीव डेढ लाख मासिक तलब पाउने गरी सरकारी नियुक्ति दिलाइएको छ ।

मन्त्रिपरिषदको बिहीबार साँझ बसेको बैठकले पौडेलपुत्र चिन्तन पौडेललाई ‘गरीव घरपरिवार पहिचान तथा परिचयपत्र वितरण समन्वय बोर्ड’को कार्यकारी प्रमुखमा नियुक्त गरिएको हो ।

गरिवी निवारण तथा सहकारी मन्त्रालयअन्तर्गत रहेको यो बोर्ड पहिले गरीवी निवारण कोषअन्तर्गत थियो । दुई वर्षअघि बोर्डलाई कोषबाट मन्त्रालय अन्तर्गत लगिएको कोषका उपाध्यक्ष युवराज पाण्डेले जानकारी दिए ।

चिन्तन पौडेल

कांग्रेस उपसभापति पौडेलका एक्ला छोरा चिन्तनलाई यसअघि वैकल्पिक उर्जा प्रबर्द्धन केन्द्रको कार्यकारी निर्देशक बनाउन दबाव परेको थियो । त्यसका कार्यकारी निर्देशक गोविन्दराज पोखरेल योजना आयोगको उपाध्यक्ष नियुक्त भएपछि पौडेलले छोराका लागि प्रवर्द्धन केन्द्रमा नियुक्तिका लागि दबाव दिएका थिए ।

तर, बैकल्पिक उर्जामा कार्यकारी प्रमुख हुन सम्बन्धित क्षेत्रमा १० वर्षको अनुभव हुनुपर्ने कानुनी प्राबधान रहेकाले सम्भव भएको थिएन ।

यो बोर्डको कार्यकारी प्रमुखमा यसअघि तत्कालीन प्रधानमन्त्री डा. बाबुराम भट्टराईकी भाइ बुहारी दुर्गा भट्टराईलाई नियुक्त गरिएको थियो । उनको दुई वर्षे कार्यकाल सकिएपछि खिलराज रेग्मी सरकारका पालामा एक वर्ष थप गरिएको थियो ।

बाबुरामकी बुहारीको कार्यकाल सकिएपछि रामचन्द्रका छोरालाई नियुक्त गरिएको बोर्डका कर्मचारीले टिप्पणी गरेका छन् । ‘गरीव पहिचान गर्ने र परिचयपत्र बाँड्ने बोर्ड नेताका आफन्त भर्ति गर्ने थलो बनेको छ,’ मन्त्रालयका एक उच्च अधिकारीले भने ।

युवराज भुसाल

ज्वाइँलाई खानेपानी, सम्धीलाई प्रतिष्ठान

पौडेलले यसअघि आफ्ना ज्वाइँ परमेश्वर पोखरेललाई खानेपानी संस्थानको अध्यक्षमा नियुक्ति दिलाइसकेका छन् ।

त्यस्तै पौडेलले सम्धी युवराज भुसाललाई सचिवबाट अवकाश पाएकै दिन कर्मचारी प्रशिक्षण प्रतिष्ठानमा नियुक्ति दिलाइसकेका छन् ।

सुशील पनि कम छैनन्

प्रधानमन्त्री सुशील कोइरालामाथि पनि परिवारका सदस्यलाई राजनीतिक नियुक्ति दिलाएको आरोप लागेको छ । कोइरालाले पछिल्लोपटक भतिजा श्रीहर्ष कोइरालालाई नेपाल क्रिकेट संघ क्यानको उपाध्यक्ष बनाएका छन् ।

त्यस्तै भाञ्जा रमेश भण्डारी र दाजु विनोद कोइरालाका छोरा अतुल कोइरालालाई प्रधानमन्त्रीले स्वकीय सचिवालयमा नियुक्ति दिएका छन् ।

भागबण्डा मिल्यो

यसैबीच कांग्रेस र एमालेबीच राजनीतिक नियुक्तिको भागबण्डा मिलेपछि भटाभट मन्त्रिपरिषदबाट नियुक्ति दिइएको छ ।

यसअघि सुकुमबासी समस्या समाधान आयोगमा एमालेले एकलौटी गरेको भन्दै आयोग विघटनको प्रस्ताव प्रधानमन्त्रीले लैजाँदा एमाले मन्त्रीहरुले क्याबिनेट बैठक बहिस्कार गरेका थिए ।

त्यसपछि कांग्रेसबाट कृष्ण सिटौला र एमालेबाट भीम रावललाई भागबण्डा मिलाउने जिम्मा दिइएको थियो ।

सिटौला र रावलबीच सुकुम्बासी आयोगका केन्द्रदेखि जिल्लासम्म उपाध्यक्ष थपेर कांग्रेसलाई दिने र नगर विकास समितिहरुमा कांग्रेसले एकलौटी गरेका ठाउँमा एमालेलाई पनि कोटा दिने सहमति भएको रावलले बताए ।

कांग्रेस उपसभापति रामचन्द्र पौडेलका इन्जिनियर छोरालाई करीव डेढ लाख मासिक तलब पाउने गरी सरकारी नियुक्ति दिलाइएको छ भने पौडेलकै सम्धी र ज्वाइँले पनि आकर्षक सेवा सुविधा पाउने गरी राजनीतिक नियुक्ति पाएका छन्

‘अरु नियुक्तिको मापदण्ड पहिले नै बनेको छ, सुकुम्बासी र नगर विकासमा दुवै पक्षका मिलाउने गरी हामीले प्रस्ताव दिएका हौं,’ रावलले अनलाइनखबरसँग भने ।

एमाले कार्यकर्ता नियुक्त

सोही सहमतिअनुसार मन्त्रिपरिषदले स्वास्थ्य मन्त्रालयअन्तर्गतका विभिन्न अस्पताल विकास समितिको अध्यक्षमा एमालेका कार्यकर्तालाई राजनीतिक नियुक्ति दिएको छ । कोशी अञ्चल अस्प्ताल विकास समितिको अध्यक्षमा एकराज भट्टराई, सेतीमा यज्ञराज पाण्डेय, मध्यपश्चिममा खुम्बराज थानी र मध्यपश्चिमाञ्चल क्षेत्रीय आयुर्वेद चिकित्सालय अध्यक्षमा श्रीधर शर्मा नियुक्त भएका छन् ।

त्यस्तै नेपाल औषधी लिमिटेडको अध्यक्षमा बाबुराम हुमागाई नियुक्त भएका छन् । उद्योग मन्त्रालय अन्तर्गतको दोलखा खरीढुंगास्थित म्याग्नेसाइट लिमिटेडको अध्यक्षमा दोलखाका एमाले नेता बसन्तराज कार्की नियुक्त भएका छन् ।

केटी छेऊमा राखेर गाडी चलाउने ड्राइभरलाई ५ हजार जरिवाना हुने

उदयपुर, कात्तिक २२ – उदयपुरको पश्चिमी बजार कटारीबाट चल्ने गाडीमा दुर्घटना कम गर्न भन्दै नयाँ उपाय अपनाइएको छ । इलाका प्रहरी कार्यालयले दुर्घटना कम गर्ने भन्दै गाडीमा ड्राईभरसँगैको सिटमा युवती र महिलाहरुलाई बस्न निषेध गरेको छ ।

कानुनी रुपमा अवैध भएपनि व्यवहारिक रुपमा चालकसँगै युवतीहलाई वस्न नदिईएको इलाका प्रहरी कार्यालय कटारीका प्रहरी नायव उपरीक्षक सरोज पौडेलले वताउनुभयो । प्रहरी र यातायात व्यवसायीहरुको सहमतिमा यस्तो निर्णय गरिएको प्रहरी नायव उपरीक्षक पौडेलले वताउनुभयो । निर्णयको उल्लघन गरी ड्राइभरले आफूसँगैको सिटमा युवती वा महिला राखेर सञ्चालन गरेको पाईएमा ५ हजार रुपैयाँसम्म जरिवाना गरिने पौडेलले वताउनुभयो ।

ड्राइभरसँगैको सिटमा युवती राख्दा ड्राइभर गफमा भुलिने र जसले गर्दा दुर्घटना हुन सक्ने सम्भावना रहेकाले यस्तो निर्णय गरिएको हिमाली यातायात व्यवसायी संघ कटारीका कार्यालय प्रमुख शत्रुधन कार्कीले वताउनुभयो ।

बैठकले लामो दुरीका गाडीमा दुई जना चालक अनिवार्य व्यवस्था गर्ने निर्णय गरेको छ । कटारीबाट गाडी लैजानेबेला दुईजना ड्राइभरको नामावली दर्ता गरेर जाने गरेको भएपनि दुई ड्राइभर भए नभएको प्रभावकारी अनुगमन अझै हुन नसकेको प्रमुख कार्कीले वताउनुभयो ।

कटारी क्षेत्रबाट पाँच दर्जन यात्रुबाहक बस र झण्डै चार दर्जन सुमो सञ्चालनमा छन । उपल्लो सगरमाथाको नाकाको रुपमा चिनिने कटारीबाट सोलुखुम्बु, खोटाङ र ओखलढुंगासम्म जाने गाडी बढी दुर्घटनामा पर्ने गरेका छन् ।

मधेसमा भारतीय प्रभाव बढाउने मोदीको डिजाइन जनकपुरको रंगभूमिमा भाषणको तयारी

Siraha city, भारतीय प्रधानमन्त्री नरेन्द्र मोदीको जनकपुर भ्रमणलाई विशुद्ध पूजापाठमा मात्रै सीमित नराखी मधेसमा भारतीय प्रभाव विस्तारका लागिसमेत भारतीय दूतावासले प्रयोग गर्ने भएकोछ ।
मोदीको भ्रमणबारे बझ्न काठमाडौंबाट जनकपुर पुगेका भारतीय राजदूत रञ्जित रेले स्थानीय रंगभूमि मैदानमा भारतीय प्रधानमन्त्री मोदीले भाषण गर्ने खुलासा गरेका छन् ।
त्यस्तै विभिन्न विकास आयोजनाको शिलान्यास गर्ने र गरिब विद्यार्थीलाई साइकल बाँड्नेसम्मको प्याकेज भारतीय दूतावासले बनाएको छ ।
गत साउनमा काठमाडौं आउँदा संसदमा भाषण गर्दै नेताहरुको ‘ब्रेनवास’ गरिसकेका मोदीले अब जनकपुरमा गर्ने भाषणमार्फत मधेसका जनतामा भारतीय प्रभाव थप विस्तार गर्ने विश्वास दूतावासले लिएको सूत्रहरुको भनाइ छ ।
अर्को देशको सरकार प्रमुखले विदेशमा जाँदा के-कति गतिविधि गर्न पाउने भन्नेमा नेपाल सरकार चनाखो देखिँदैन । आफूप्रति नेपाली नेताहरुको अतिशय भक्ति र आशक्तिको फाइदा उठाउँदै मोदीले अब नेपाली नेताले जस्तै गाउँ-गाउँमा पसेर भाषण ठोक्ने रणनीति बनाएका हुन् ।
भारतीय राजदुत रेले सोमबार जनकपुर पुगेका बेला विभिन्न राजनीतिक दल एवं सभासदहरुसँग भेटघाट गरे । यस क्रममा उनले मोदी स्थलमार्गबाटै जनकपुर आउने जानकारी दिएको पूर्वसभासद फरमुद नदाफले बताए ।
नेपालको गरीबीलाई देखाउँदै, आफ्नो देशमा जस्तै साइकल बाँड्ने र आयोजनाहरु शिलान्यास गर्ने मोदीको रणनीतिले नेपालीमाथि भारतको जवरजस्त प्रभाव छाड्ने भारतीय रणनीति रहेको बुझिएको छ
राजदूत रेले जनकपुरको रंगभूमिमा मोदीले भाषण गर्ने जानकारी दिएको एक सहभागीले बताए । जनकपुरको समग्र विकासमा मोदीले सम्वोधन गर्ने स्रोतले भन्यो ।
स्रोतका अनुसार मोदी भिट्टामोड नाका हुँदै नेपाल प्रवेश गर्ने र जनकपुरमा आएर जानकी मन्दिरमा दर्शन गर्ने कार्यक्रम छ । त्यसपछि उनले जनकपुरमा केही आयोजनाको शिलान्यास समेत गर्नेछन् । त्यसको रकम करिब १५ करोडको रहने बताइएको छ ।
यी आयोजनाअन्तरगत जनकपुरका तीनवटा पोखरीको समेत मर्मत गरिनेछ । मोदीले जनकपुरको तेहला, मरहा र अरगजालाई सहयोग गर्ने बताइएको छ ।
स्रोतका अनुसार मोदी मंसिर ९ गते बिहान जनकपुर आउने छन् । भ्रमण कार्यक्रमअनुसार जनकपुरमा उनले केही विपन्न वर्गका विद्यार्थीलाई साइकलसमेत वितरण गर्ने कार्यक्रम रहेको राजदूतले जनकपुर पुगेर खुलासा गरेका छन् ।
नेपालको गरीबीलाई देखाउँदै, आफ्नो देशमा जस्तै साइकल बाँड्ने र आयोजनाहरु शिलान्यास गर्ने मोदीको रणनीतिले नेपालीमाथि भारतको जवरजस्त प्रभाव छाड्ने भारतीय रणनीति रहेको बुझिएको छ ।
भारतले नेपालमा माथिल्लो तहबाट मात्रै हस्तक्षेप बढाउँदै आएको थियो । तर, अब मोदीले जनस्तरबाटसमेत हस्तक्षेप बढाउने नीति अघि सारेका छन् । यसका लागि विकास र अनुदानको अस्त्र प्रयोग गरिनेछ, जसले गर्दा भारतीय हस्तक्षेपको आलोचना गर्ने राष्ट्रवादीहरुलाई ‘विकास विरोधी’ देखाउन सकिने भारतीय दूतावासको डिजाइन रहेको छ ।
भारतीय दूतावासले नेपालको स्थानीय निकायमा प्रत्यक्ष लगानी गर्न नपाउने र आर्थिक सहयोग अन्तरराष्ट्रिय मान्यता अनुसार सरकारी निकायमार्फत गर्नुपर्ने आवाज उठिरहेका बेला मोदीले जनकपुरमा जिविस सभापतिले जस्तै रंगभूमिमा भाषण गर्ने, विकास आयोजना उदघाटन गर्ने र साइकल बाँड्ने नीति लिएका हुन् ।
व्यापारीको अनुनय
भारतीय राजदूतसँगको छलफलमा स्थानीय व्यापारीहरुले रेल्वे बन्द भएपछि व्यापारीहरुलाई निकै समस्या भएको भन्दै यसका लागि जटही रुटको विकास गरी भारतको पिपरौनमा भन्सार कार्यालयको स्थापन गर्न दूतावाससँग मागसमेत गरेका छन् ।
सुरक्षा अधिकारी पनि जनकपुर पुगे
यसैवीच भारतीय राजदूत जनकपुर पुगेसँगै काठमाडौंबाट सरकारी अधिकारीहरु पनि मोदी आउने बाटो हेर्न जनकपुर पुगेका छन् ।
जनकपुरमा सोमबारदेखि सुरक्षा अधिकारीहरुको सक्रियता बढेको हो । नेपाली सुरक्षाका अधिकारीसँगै भारतीय सुरक्षा टोलीले पनि जनकपुर भ्रमण गरेका छन् ।
नेपाल प्रहरीका प्रमुख उपेन्द्रकान्त अर्याल, राष्ट्रिय अनुसन्धान विभागका प्रमुख र गृहसचिवसहितको टोलीले मंगलबार जनकपुरको स्थलगत अवलोकन गरेको छ ।
गृहसचिव सूर्यप्रसाद सिलवालसहित सुरक्षा निकायका प्रमुखले भारतीय प्रधानमन्त्री स्थलमार्गबाट जनकपुर आउने भएपछि जीर्ण जलेश्वर-जनकपुर सडकखण्डको स्थलगत निरीक्षण गरेका हुन् ।
सरकारी टोलीले भारतको सीतामढीसँग सीमाना जोडिएको भिठ्ठामोडसम्म पुगेर त्यहाँको सडक र सुरक्षाबारे सीमामा खटेका भारतीय सुरक्षाकर्मीसँग जानकारी लिएको छ ।
गृहसचिव सिलवालले सडक तत्काल मर्मतसम्भार गर्न सडक डिभिजन कार्यालय मुजेलिया र शान्ति सुरक्षा बहाल गर्न महोत्तरीका प्रमुख जिल्ला अधिकारी दीपक काफ्लेलाई निर्देशन दिएका छन् ।
महोत्तरीको जलेश्वर-जनकपुर सडकखण्डलाई मर्मत सम्भार गर्न र उच्च सुरक्षा व्यवस्था मिलाउनसमेत सिलवालले निर्देशन दिएका छन् ।
अहिले विभिन्न सरकारी निकायहरुले बाटो मर्मत गर्ने कार्यमा चासो देखाएका छन् ।
जनकपुरको शहरी सडकको अवस्था जीर्ण रहेकाले आवत-जावतमा समस्या भइरहेको छ । अहिले आएर मोदी आउने बाटोलाई निर्माण गर्नमा तिव्रता दिइएको छ ।
यसअघि नै ठेक्का लागेको जनकपुर-जटही सडकखण्ड ठेकेदारको लापरवाहीका कारणले निर्माण हुन सकेको छैन । अहिले आएर विमानस्थलसम्म सडक निर्माण कार्यलाई तिव्रता दिइएको छ ।
भिठ्ठामोडदेखि जनकपुरसम्मको सडक दुरी १९ किलोमिटर छ । जसलाई मर्मत गर्ने कार्य सुरु भएको छ । भिठ्ठामोड-जलेश्वर-जनकपुर सडकखण्डको १९ किलो मिटरमा कालोपत्रे उकिएर हेरिनसक्नु खाल्डैखाल्डामा परिणत भएको छ । सडकमा ढुंगा, बालुवा, धुलो र पुराना ईंटा थुप्रिएका छन् ।
यद्यपि सडकको मर्मत गर्ने काम अहिले पनि थालिएको छैन । बर्षौदेखि अस्तव्यस्त बनेको यो सडक मर्मत सम्भारको मुख ताकिरहेको छ । जनकपुर नगर क्षेत्रको सडक र सरसफाइको दुरावस्था पनि सडकभन्दा कम छैन ।
मोदी जनकपुर आउने भएपछि जानकी मन्दिरलाई समेत सिँगार्न थालिएको छ । मोदीलाई देखाउन आवास तथा भौतिक योजना मन्त्रालयले भिठ्ठामोड-जलेश्वर-जनकपुर सडक मर्मतका लागि पर्याप्त बजेट उपलब्ध गराउने बताएको छ ।
तर, अहिलेसम्म सडक डिभिजन सडक कार्यालय मुजेलियालाई सडक मर्मत हुने वा नहुने भन्नेवारे अतोपत्तो छैन । डिभिजन सडक कार्यालय मुजेलियाका डिभिजन इन्जिनियर दिनेश अर्यालले बजेट आए पनि एक महिनामा १९ किलोमिटर सडकको मर्मत गर्न सम्भव नभएको बताए ।
मोदी जनकपुर आउन अब २० दिन पनि बाँकी छैन । यो अवधिमा सडकको मर्मत गर्नु भनेको चमत्कारबाहेक केही नठहरिने अर्याल बताउँछन् ।
अहिलेसम्म जनकपुरको जानकी मन्दिर छेउको तेलहा मरहा पोखरीमा विगतमा भत्काइएका संरचना यत्रतत्र छन् । स्थानीय रंगभूमिसमेत फहोरै फोहोर छ ।
सुरक्षा कडा पारिने
मोदीको जनकपुर भ्रमणलाई लिएर सुरक्षा व्यवस्था कडा पारिने स्थानीय प्रशासनले जनाएको छ । नेपाली सेना, सशस्त्र प्रहरी, जनपथ प्रहरी र राष्ट्रिय अनुसन्धानवीच मोदीको सुरक्षालाई लिएर नियमित बैठक बसिरहेको धनुषाका प्रमुख जिल्ला अधिकारी कृष्णप्रसाद ढुंगानाले बताए ।
जनकपुरको प्रसिद्ध जानकी मन्दिरबाट दर्शन गरेर मोदी हवाइजहाजबाट काठमाडौ जाने कार्यक्रम छ ।